ហុក សុចិត្រា លាចេញ​ពី​​ជម្រើសជាតិ

រាប់ពីឆ្វេង លោក ហុក សុចិត្រា,វ៉ាន់ លី, និងជំនួយការ(រូបថត៖Sabay.com.kh)

លោក ហុក​ សុចិត្រា គ្រូបាល់ទាត់ជំរើសជាតិកម្ពុជា បានប្រកាសលាលែង តំណែង ពី គ្រូ បាល់ទាត់ ជំរើស  ជាតិកម្ពុជាហើយនៅថ្ងៃទី២០ ខែតុលា ឆ្នាំ២០១២ នេះ។

លោក ហុក​ សុចិត្រា ត្រូវបានសហព័ន្ធកីឡាបាល់ទាត់កម្ពុជាតែងតាំងជាគ្រូ បាល់ទាត់ ជំរើស ជាតិ កម្ពុជា ដើម្បីចូលរួមប្រកួត AFF Suzuki Cup 2012 Qualifying Round ដែលបាន ប្រព្រឹត្តិ ទៅ នៅ ប្រទេស មីយ៉ាន់ម៉ា ចាប់ពីថ្ងៃទី៥ដល់ថ្ងៃទី១៣ ខែតុលា ឆ្នាំ២០១២​ ។ នៅក្នុងការប្រកួតនេះ ក្រុម បាល់ទាត់ ជំរើសជាតិកម្ពុជា បានប្រកួតជាមួយគូប្រកួតចំនួន៤ប្រកួតហើយបាន ប្រកួត ចាញ់ ទាំង៤ប្រកួតនោះ ។ ប្រកួតលើកទី១ ជួបជាមួយ ទីម័រខាងកើត ទទួលលទ្ធផលចាញ់៥ទល់នឹង១ ប្រកួតទី២ ជួបជាមួយឡាវ ទទួលលទ្ធផលចាញ់១ទល់នឹង០ ប្រកួតលើកទី៣ ជួបជាមួយប្រ៊ុយណេ ទទួលលទ្ធផលចាញ់៣ទល់នឹង២ និងប្រកួតលើកទី៤ ជួបជាមួយម្ចាស់ផ្ទះ មីយ៉ាន់ម៉ា ទទួល លទ្ធផល ចាញ់៣ទល់នឹង០ ។

ក្នុងលិខិតលាលែងតំណែងពីគ្រូបាល់ទាត់ជំរើសជាតិ លោក​ ហុក​ សុចិត្រា បានបញ្ជាក់ថា លោក បាន ឃើញនូវកង្វះខាតបទពិសោធន៍របស់ខ្លួនមួយចំនួនក្នុងការដឹកនាំក្រុមនាពេលនេះ ។ លោក បានសំដែងនូវការ តាំងចិត្តប្រឹងប្រែងអភិវឌ្ឍចំណេះដឹងបទពិសោធន៍របស់ខ្លួនជាបន្តទៀត ។

ប្រភព៖ FFC